Jan Friederk Klapperkleper

`n stramm`n Hannoverschmann

Von Proffeschon en Scheeper

Bürtig ut Langendamm,

De wör, - so sähen se ja all, -

Man etwas lasch und lösig,

Doch wör`t en Original

He wör woll`n beten dösig, -

Na, dat sind Scheeper all`.

Un wiet`t son Scheeoper egen is, 

- Nehmt mi dit hüt nich krumm, -

Si is he drittens, dat`s gewiß,

Ganz ünnern Luder dumm; - 

Un wat he denn noch an sick hät

Is, dat he gern war itt

Un dat sin levstes is dat Bett

Van aal`ns, wat he besitt.

Dorbi is em en Seelenroh

Ick segg jo, - angeborn, -

Woran is, - glöwt mi`t seker to -

Hoppen und Molt verlor`n.

To dissen harr Frierk Klapperkleper

Noch anner`Laster an sik,

Denn smöken dä de junge Scheeper,

Dat harr nich Art noch Schick.

Ok nöhm he dorbi gern en Drögen,

Däh höllschen gern ok Karteen slan

Un harr to sinen Haptvergnögen -

Stebig en`n in`n Buddel stahn,

Frogs du en´m denn, wat in de Flasch!

Denn würd, - vör Giez, - he grow

Un antworde denn barsch und kasch;

He leed an "stillen Soff".

Wenn he ok Hemd un Srümp vergeet,

Bestännig in de Mak,-

Nu köm de Krieg. Jan Frierk muß ran

Un schull dor ol mit manken slan,

Ick glöw dar wör bi Gravelott?,

Dor brocht en welsche Kriegerrott

Den Scheeper misammt sines Gliken

na`n mißglückten Tosamenstot

De Dübel hal,- tom Wiken

En lütten grallen Leutnant seggt:

"Zum Teufel auch, dies geht doch nicht!

Zum Donner, weshalb laift ihr weg?

Ruh`ist duíe ersre Bürgerpflicht."

Na, wenn en Minsch "der Ruhe Pflicht"

Recht ut`n ff kennt,

Wöt Klapperklepers Friederich

von`t 10. Regiment.

He wöhl mang Doden vör den Feend

Na sine Pip herümmer.

De Leutnant schreet: Du dummer Fent,

man schießt dich dort in Trümmer."

Den Scheeper stört dit aber nich. 

He söcht na sinen Brösel. -

"Roh`is de erste Börgerpflicht!

Sähst du doch sülws, Du Snösel!"

So denkt he sik insinen Sinn,

Denn kummt he angeslennert.

"Hallunkenkerl!" schreet Hauptmann Kinn,

"Solch Esel!" Röppt von Rennert.

Jan Friederkm rechter Hand de Pip

Un inde link`n den Buddel,

Den Tobak in de Achterslip

un mangde Tähn`n en Wuddel,

De op den Weg he funnen harr,

De kau he as de Schape,

So köm he denn, besapen swar

Torügg un grappd`wien Aape.

Nu steiht he vör de Compagnie.

De Hauptmann fragt denn em:

"Was suchtest vor der Batterie

Du dummer Ochse denn?"

"Ick? Ah, ich sochte mine Pip

Un minen Kümmelbuddel;

Un wil in min Tornisterkiep

Keen Brod is, - sochd`ick Wuddel."

"Wenn man geschossen hätte,

So wär`s um dich gethan.

Du Lümmel, gelt, ich wette,

Ich wette, du bist im Thran."

"dat sünd doch woll man Schoosen!"

Seggt Frierk. "Nä nich in`n Thran,

Mi scheet nich de Franzosen,

`k heff jüm jo Niks nich dahn."