Brodneid

En Oebelstand, en grote Noth

ist 't in de jetzgen Tieden,

Dat Rikund Arm und Lütt und Grot

nich künnt eenanner lieden.

Ob sickde Eer verkehrt ok dreiht

und ok de Welt koppeister geiht

so find't man stets doch, dat de Neid

en grote Rulle spelen deiht

sünd sonst de Lüd ok hartlich got

günnt se sick selten doch dat Brod

So segt Putzbüdel Kalwersteert

In'n Schenklocal bi'n Löwenwerth

"Dat heet, de Bäcker utgenomen

de günnt das Brod sick alltosamen."

Seggt Brüning to Herrn Kalwersteert

"Wo so?" fragt nu de Löwenwerth

"Jer," seggt ol Brüning, "dat is so:

denn Stutenbäcker Witt sin Fro

de freut sick stets üm alle Welt

wenn Bäcker Swart sin Brod behölt

und Swart freut sick, dat't keener glöwt

wenn Mutter Witt keen Brod verköft

 - na dor is doch herut to finn'n

dat disse Twee dat Brod sick günn'n.